Bandow 12-saac oo lagu soo rogay Mandera oo ay Alshabaab dhawaan weerareen.

Wasiirka Arrimaha Gudaha Kenya, Joseph Nkaissery ayaa sheegay in Bandow 12-saacadood ah lagu soo rogay magaalladda Mandera, oo ay Alshabaab dhawaan ku dileen 12 qof oo aan Muslim ahayn.

Wasiirka waxa uu tilmaamay inuu Bandowgaasi bilaabanayo Lixda iyo Barka Fiidnimo (6:30 pm) ilaa 6:30 subaxnimo (6:30 am).

Wasiirka Arrimaha Gudaha Kenya, Joseph Nkaissery waxa uu sheegay inuu Amarka Bandowga saamayn doono Mandera, Cumar Jillo, Arabia, Fino, Lafey, Kotulo iyo Ceel-waaq iyo in lagu sii ballaarin doono ilaa 20 KM ee Xuduudka Kenya la wadaagto Somalia.

Dhinaca kale, Joseph Nkaissery waxa uu xusay inay Wasaaradda Arrimaha Gudaha kala shaqeyn doonaan Milliteriga sidii Mandera looga samayn lahaa Unug Talis oo Xuduudka ah.

Waxa uu intaasi ku daray in la adkeyn doono Ammaanka Xuduudka Mandera ilaa Lamu, halkaasi oo inta badan Dagaalamayaasha Xarakadda Alshabaab ka fuliyaan Hawlgalladda.

©Radio Dalsan

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.