Baarlamaanka Somalia oo Maanta Cod u qaadaya Heshiiskii Doorashada 2020/21

Xildhibaanada labada Golle ee Baarlamaanka Federaalka Soomaaliya ayaa Maanta oo sabti ah waxaa la filayaa in kulan aan caadi aheyn ku yeeshaan Xarunta Villa Hargeysa ee Magaalada Muqdisho.

Ajendaha kulanka Xildhibaanada ayaa waxaa uu yahay u Codeynta Heshiiska siyaasadeed ee Jihaynta Doorashada 2020/2021 ee dhawaan gaareen Madaxweyne Farmaajo, Madaxda maamul Goboleedyada iyo Guddoomiyaha Gobolka Banaadir.

Xildhibaanada Baarlamaanka ayaa  xalay waxaa lagu wargeliyay inuu jiro kulan wadajir ah, isla markaana mudanayaasha laga doonayo inay kasoo qeyb galaan kulanka, maadaama uu yahay mid xasaasi ah.

Waa kulankii ugu horreeyay ay muddo kadib si wadajir ah u yeelanayaan Xildhibaanada labada Golle ee Baarlamaanka, kadib markii xal buuxa laga gaaray Khilaaf xoogan oo mudooyinkii dame ka dhex jiray Guddoonka Golaha Shacabka iyo Aqalka Sare.

Xarunta Villa Hargeysa ee Magaalada Muqdisho ayaa haatan waxaa ka socda diyaar garoowgii ugu dambeeyay ee uu ku furmayo kulankaas, waxaana Xarunta kusii qul-qulaya Xildhibaanada, si ay uga qeyb galaan kulanka.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media