Wararkii ugu dambeeyay ee aan ka heleyno Magaalada Jowhar ee Xarunta Gobolka Shabeellaha Dhexe ayaa sheegay in Caawa oo tallaado ah lagu dhawaaqi doono Liiska Xildhibaanada Cusub ee Baarlamaanka labaad ee Maamulka Hirshabeelle.
Liiska Xildhibaanada ayaa waxaa loo gudbiyay Guddiga soo xulista Baarlamaanka Hishabeelle, kadib markii Odayaasha dhaqanka ay soo gaba-gabeeyen howsha xuslista xubnaha Baarlamaanka 2-aad.
Ilo-wareedyo ku sugan Magaalada Jowhar ayaa sheegay in Caaawa lagu dhawaaqi doono Liiska Xildhibaanada Cusub, isla markaana haatan ay socota qaban-qaabadii ugu dambeeysay ee lagu shaacinayo.
Sidoo kale Xildhibaanada lasoo xulay ayaa ah sida la xusay kuwo Cusub, sidoo kalena laga reebay Xildhibaano farabadan oo horey uga tirsanaa Baarlamaankii Hirshabeelle ee muddo xileedkiisu dhammaaday ee afartii sano ee lasoo dhaafay soo shaqeynayay.
Odayaasha dhaqanka ayaa maalmihii lasoo dhafay Jowhar ka waday howsha soo xulista Xildhibaanada, iyagoona gudbiyay Liiska Mudanayaasha, waxaa la filayaa in rasmi ah loogu dhawaaqo.
Ammaanka guud ee Magaalada Jowhar ayaa Caawa siweyn loo adkeeyay, waxaana Ciidanka Booliska Dowladda ee Haramcad ee dhawaan la geeyay halkaas xireen inta badan Waddooyinka, sidoo kalena waxaa la yeerayay dhaq-dhaqaaqa meelaha qaar.
