Wasaaradda Difaaca ee dalka Britain ayaa xaqiijisay inuu Askarigaasi ku geeriyooday dalka Malawi, halkaasi oo uu u joogay Hawlgal looga hortagayo dadka la baxa Foolasha Mardoodiyaasha.
Askariga geeriyooday oo la oran jirey Mathew Talbot kana tirsanaa Guutadda 1-aad ee Ciiddanka Ilaaladda Britain ee Coldstream Guards waxaa la sheegay inuu geeriyooday bishan May 5-dii.
Warbaahinta British-ka waxay sooweriyeen in la rumeysan yahay inuu Askarigaasi Maroodi ku dul-joogsaday, kuna durduriyey ilaa uu ka geeriyoodo.
Wasiirka Difaaca ee Britain, Penny Mordaunt waxay ka tacsideysay geerida Askarigaasi, iyadoo sheegtay inay Ciiddanka UK u bareeraan khatarta si loo badbaadiyo qaar ka mid ah Xayawaanaadka Caalamka ee ay khatarta ku hayaan Dembiilayaasha dila Duur-joogta.