War-saxaafadeed uu Ergayga Khaaska ee Guddoomiyaha Ururka Midowga Afrika ugu qaabilsan Arrimaha Somalia, ahna Madaxa Hawlgalka AMISOM, ,Ambassador Francisco Madeira waxa uu kaga hadlay Xiisadda colaadeed ee ka taagan magaalladda Baydhabo iyo Xarigii Sheekh Mukhtaar Roobow Abu Mansuur oo ka mid ahaa Murashixiinta u taagan Doorashada Madaxweynenimadda ee Maamul-gobaleedka K/Galbeed ee Somalia.
Ambassador Madeira waxa uu tilmaamay inuu doonayo inuu u sheego Dadweynaha iyo kuwa ay wada-shaqeynta la leh inaysan Ciiddanka AMISOM qeyb ka ahayn qabashadii Mukhtaar Roobow iyo in loo soo gudbiyo magaalladda Muqdisho.
Qoraalkiisa waxa uu ku xusay inay AMISOM sii wadi doonto Aqoonsiga iyo Xushmeynta Madax-bannaanida Dadka iyo Dowladda Somalia, wauxuuna ku celceliyey inay AMISOM ku nagaanayso Dhexdhexaadnimadooda iyo Fulinta Waajibaadkooda ee Hawlgalka ay u joogaan Somalia.
Dhinaca kale, Ergayga Khaaska ee Midowga Afrika ugu qaabilsan Arrimaha Somalia, ahna Madaxa Hawlgalka AMISOM, ,Ambassador Francisco Madeira waxa uu ugu baaqay dhamaan dhinacyadda ay khuseyso Xiisaddaas inay xaliyaan arrimaha ku aadan Xiisadda haatan ka taagan Somalia iyo Doorashooyinka soo socda ee Maamul-gobaleedka K/Galbeed Somalia, isla markaana ay AMISOM xushmeyn doonto Sharciga, Dhaqanka iyo Qiimaha dadka Soomaaliyeed.
War-saxaafadeed Ambassador Madeira waxa uu ugu dambeyntii ku muujiyey inay aad uga xun yihiin dadka noloshooda ku waayey rabshadihii Baydhabo, wuxuuna Tacsi u diray qoysaska ay ehelkooda ku geeriyoodeen Baydhbao, wuxuuna sidoo kale caafimaad u rajeeyey kuwa ku dhaawacmay dhacdadaasi.