Taliska ciidanka booliiska ee maamulka Puntland ayaa soo saaray awaamiir cusub oo la xiriirta sugidda amaanka magaalada Garoowe ee maamulka Puntland oo maalmaha soo socda marti gelinaysa shir looga hadlayo maalgashiga.
Taliyaha Ciidamada Booliska Puntland Muxuyadiin Axmed Muuse oo weriyaasha kula hadlay magaalada Garoowe ayaa soo saaray awaamiir cusub oo lagu sugayo Amniga caasimada Puntland ee Garoowe,waxaana taliska uu ka hadlay hubka sharci darada ah ee magaalada lagu dhex-wato, bogcadaha hubka lagu ilaaliyo, ilaalada madaxda, goobaha lagu gado qaadka iyo dhalinyarada taleefoonada furata.
Taliyaha ayaa si adag uga hadlay hubka lagu wato magaalada waxa uu sheegay in guud ahaan hubka sharci darada ah la mamnuucay,iyada oo talisyada qeybaha la amray in ay qoryaha ka qaadaan askrata aan shaqada ku jirin.