Maalmo ka dib Al-Shabaab ayaa soo bandhigay Magaca mid ka mid ah raggii ka mid ahaa kuwii isku-qarxiyey agagaarka hotelka SYL ee Magalada Muqdisho Sabtidii lasoo dhaafay.
Warar ay ku qoreen Baraha ay ku leeyihiin Internet-ka gaar ahaan ay baahisay Idaacada Andulus ayaa lagu sheegay in raggii weerarkaas geystay uu ka mid ahaa,isl markaana uu isqarxiyey Maxamed Xuseen Sh. Rooble,loona yaqaanay Deeqoow Xiirane.
Al-Shabaab ayaa sidoo kale waxa ay sheegeen in da’diisu ay aheyd 24 Sanno jir,isla markaana uu ku dhashay degmada Jilib ee Gobolka Jubbada dhexe,mudo badan uu ka tirsanaa Al-Shabaab.
Al-Shabaab ayaa dhawaan waxa ay sidoo kale soo bandhgeyn Magacyada laba ka mid ah ragii isku-qarxiyey Xarunta Otta Otta oo ay degan yihiin Wasaaradaha Arrimaha Gudaha iyo Amniga.
Weerarkii Sabtidii ka dhacay agagaarka Madaxtooyada Soomaaliya ayaa waxaa ka dhashay khasaaro isugu jira dhimasho iyo dhaawac,waxaana saraakiisha laamaha amniga soomaaliya ay sheegeen in ay weerarkaas fashiliyeen.
