Taliyaha Ciidanka Xoogga dalka Soomaaliya Sareeye Guuto Odawaa Yuusuf Raagge ayaa soo saaray amaro Cusub oo lagu joojinayo shaqooyinka leexsan ee Ciidanka Xoogga.
Qoraal kasoo baxay Xafiiska Taliye Odawaa Yuusuf Raage ayaa waxaa Taliyeyaasha kala duwan ee Ciidanka dowladda lagu amray inay si deg deg ah u soo xareeyaan Askarta Ciidanka ee Ilaalada u ah Mas’uuliyiinta.
Sababta loo xareenayo Askarta dowladda ee Ilaalada ah ayaa waxaa lagu sheegay inay tahay in Ciidanka Xoogga dalka ay horyaalan shaqooyin adeg oo loo baahan yahay inay qabtaan.
Ugu dambeyntii Taliyeyaasha Ciidanka Xoogga dalka ayaa waxaa la faray inay fuliyaan amarka kasoo baxay Taliye Odawaa Yuusuf Raage.
Arrintan ayaa ku soo beegmeysa iyadoo maalmihii u dambeeyay ay jireen warar sheegaya inuu socdo qorshe la doonayo in Ilaalada looga qaado Madaxdii hore ee dalka.
Hoos ka Akhriso Qoraalka uu soo saaray Odawaa Yuusuf Raage.
