Akhriso:-Magacyada Madaxweynihii hore ee DDSI iyo madax kale oo Maxkamad la soo taagay

Maxkamadda Sare ee Itoobiya ayaa waxaa la horkeenay Cabdi Maxamuud Cumar, madaxweynihii hore ee dowlad deegaanka Soomaalida iyo afar mas’uul kale oo maamulkiisa horey uga mid ahaan jiray.

Sida ay tabinayso warbaahinta dowladda Itoobiya, Cabdi iyo dadka kale oo ay haweenay ku jirto ayaa loo heystaa dambiyo la xiriira ku xad gudubka xuquuqda aadanaha iyo kicin rabshado qoowmiyado ka dhaxeeya.

Cabdi Maxamuud Cumar ayaa laga xirey guri ku yiilay magaalada Addis Ababa 27-dii bisha, kadib markii maalin ka hor baarlamaanka deegaanka uu xasaanaddii ka qaaday isaga iyo 6 mas’uul oo kale.

Hoos Ka Akhriso Magacyada Xubnaha Maanta Maxkamada la soo taagay.

Ibrahim Mahdi :- Wasiirkii waxbarashada

Abdi jamal Kelonbi : – Wasiirkii Cadaaladda

Cumer Abdi – madixii siyaasadda ee ee xibiga Ethiopian Somali People Democratic Party (ESPDP)

Ibrahim Mohammed Mubarek – Duqa magaalada Jigjiga

Rahma Mohammed : – Wasiirkii haweenka

Iyo Deeq Cabdullaahi

Lama oga in Cabdi qareen loo ogolaaday iyo in kale, balse waxa ay u muuqataa in la mariyay nidaamkii madaniga ahaa ee habraaca garsoorka, taas oo ah in dacwadda marka hore furo xeer illaaliyaha, booliiska xiraan, kadibna maxkamad ka geeyo 24 saac gudahood.

About Dalsan Editor

View all posts by Dalsan Editor