Warar dheeraad ah ayaa ka soo baxaya qarax xoogan oo ka dhacay Ex-Control Balcad ee Duleedka Magaalada Muqdisho.
Qaraxaasi ayaa waxaa la sheegay in lala eegtay Kolonyo ay la socdeen Ciidamo ka tirsan AMISOM oo socdaal ku marayay Ex-Control Balcad,isla markaana uu ahaa mid nooca miinada dhulka lagu Aaso ah.
Dad goobjoogayaal ah ayaa Dalsan waxa ay u sheegeen in jugta qaraxa,kadib la maqlay rasaas oo ay fureen Ciidamada AMISOM,waxaana qaraxaasi ka dhashay Khasaaro kala duwan.
Wararka ayaa intaasi waxa ay ku darayaan in qaraxa ay ku dhinteen laba Askari oo ka tirsan Ciidanka Booliska Degmada Heliwaa,uuna jiro dhaawac,inkastoo aan si dhab ah loo cadeyn inta uu la egyahay.
Inta badan Ex-Control Balcad ee duleedka Muqdisho ayaa waxaa qarax lagu eegtaa Ciidamada AMISOM xiliga ay marayan halkaasi ,waxaan ka dhashay Khasaarooyin kala duwan,iyadoo AMISOM ay furaan Rasaas xoogan oo waxyeelo geysata.