Xuutiyiinta oo lagu eedeeyey inay miinooyinka ku aasaan Deegaanadda Rayidka.

Hay’adda Xuquuqda Aadanaha ee Human Rights Watch ayaa soo saartay Warbixin cusub oo ay ku sheegtay inay boqolaal qof ku naf waayeen Miinooyinka, waxayna miinooyinka ka hor istaageen dadka Barakacayaasha inay deegaano kale u hayaamaan.

Warbixinta waxaa kaloo lagu sheegay in Maleeshiyadda Xuutiyiinta oo hub casri ah ka hela Dowladda Iiraan inay miinooyinka u adeegsadeen ugu yaraan 6 Gobal tan iyo bishii March ee sannadkii 2015-kii.

Human Rights Watch waxay kaloo sheegtay inay miinooyinka waxyeello u geystaan Shaqaalaha Samafalka iyo kuwa ku hawlan inay Miinooyinka ka saaraan goobaha lagu aasay.

Dhinaca kale, Kooxda Landmine Monitor ee u ololeysa Mamnuucista Miinooyinka ayaa sheegtay in ugu yaraan 988 qof dhimasho iyo dhaawac ka soo gaareen miinooyinka dhulka ee lagu aasay Yemen tan iyo sannadkii 2015-kii.

©Radio Dalsan

You might also like More from author

Comments

Loading...