2 Saxafi oo la toogtay,xilli ay Tebin Toos ah kaga jireen Idaacad ku taalla dalka Dominica.

Hadal ka soo baxay Boliska ayaa lagu sheegay in ay Dabley hubeysan weerareen Idacadda FM ah oo ku taalla Degmadda San Pedro de Macoris oo dhinaca Bari kaga toosan Caasimadda dalkaasi ee Santo Domingo.

Dableyda waxay Istuudiyaha Idaacadda ku toogteen War-akhriye Luis Manuel Medina oo Toos u akhrinayey Warka.

Daqdiiqado kadib, waxay Dableydii Xafiiskiisa ku toogteen Agaasimihii Idaacaddaasi, Leonidas Martinez.

Waxay kaloo dhaawaceen Xoghayihii Idaacadda, sida uu sheegay Afhayeenka Boliska dalkaasi, William Alcantara.

Hay’addaha u dooda Suxfiyiinta Caalamiga ee kala ah  Ineramerican Press Society iyo Suxufiyiinta aan Xuduudka Lahayn ayaa cambaareeyey Weerarkaasi.

©Radio Dalsan

You might also like More from author

Comments

Loading...